ياقطار اللى يفوتك يحتار زحمه و حلق حوش
تلاقى الكشر و البشوش باين على الوشوش
كانها مرايا بتحكى و لكل واحد حكايه
تسرح فى السكه تفكر فى بكره
و فى لحظه ارجع للماضى و عمرى اللى فات
و البسمه ترجع تفكرنى باجمل ذكريات
قطار ماشى فى طريقه ما تعرف مين نزل
و مين هيكمل بسرح فى حالك يا دنيا و اتامل
حكمه الخالق فى عباده
و كل شىء بمعاده
قطار ما يسالش على اللى فاته
قطار منه و اليه نعود
كانه وعد و علينا موعود
طريق ما تتغير فىه السكه
ده لكل واحد محطه
سكه بتتمنى فيها الستر و السلامه
و ما تكونش يا دنيا اخرتك الندامه
ويتوب علينا ربنا