الأربعاء، 6 سبتمبر 2017


مرت سنه
و كل يوم يعدى تكبر فى قلبى الفرحه
ده حلمى اشوفك بالفستان الابيض والطرحه
عيدك ميلاد للكون عيدك غرام وجنون
والقلب عشقه جنان حبك عليا بان
  • يا حلمى والمكتوب عنيكي بس يادوب
جانا الغرام الوان يدوب فى القلوب
عيدك بأجمل لون اترسم على الأرض
سمعين قلبى ينادى نادين مع كل نبض
بسمع صوتك ينادى قلبى من الفرح بينطق

الثلاثاء، 25 أبريل 2017

1
2
3
مش عاوزين شحاته
بنقول بالزواء الكل يفوق
بنادى بحقوقنا و نعالى صوتنا 
1
2
3
مش عاوزين شحاته
عاوزين كرمتنا و راسنا لفوق
بنادى بحقوقنا ودى مش غتاته

1
2
3
مش عاوزين شحاته
هنطالب بيها باستماته
احنا اتجمعنا وبلاش تمنعنا
 
1
2
3
مش عاوزين شحاته
عاوزين حقوقنا لازم تسمعنا
معاقين بتنادى حقى فى بلادى
خواطر جات على الخاطر 
#افلاطون_فى_زمن_مجنون

الجمعة، 4 نوفمبر 2016

هو صوت واحد بيسمعه الواحد

و مهما تكتموا الافواه

هيفضل مسموع و طالع

بيفكرنى ان الحق راجع

لا تقولى رصاص فى ايد حراس

ولا ايدين متكتفه تمنع الحق هو الاساس

الظلم ارنب جبان وقت الخطر يجرى

الحق راجع بلاش تياس حتى لو شايفه بسرعه سلحفاه

خواطر على القلب و الخاطر

#افلاطون_فى_زمن_مجنون

الجمعة، 14 أكتوبر 2016

رساله من شهيد
 دمى يا مه سال وانكتب اسمى مع الابطال دمى يا مه سال على ايد خونه فاكرين كده الاسلام دمى يامه فدا بلادى المهم تكون فى سلام شهيد وضاع عمرى بس عشان بلادى راضى دم الشهيد بينادى خد حقى و حق بلادى عشانى و عشان ولادى انا الشهيد و اليوم يوم عيدى بكتب بدمى بحبك يا بلادى و انتوا شويه كلاب انجاس يا نفوس ضعيفه استحلت دمى يا ناس ملعونين انتم فى كل كتاب مات الضمير فيكم هتعيشوا ليالى عذاب بنقول بنحبك يا بلدى عشانها قتلوا ولادى

الجمعة، 7 أكتوبر 2016

حبك فى قلبى شمعه نورها امل لحياتى يافرحه تمسح من عيونى كل دمعه بحضنك الدافى الحنين يا ملاك برىء من السما نازل رحمه من رب الكون بيزيد شوقى بجنون احساس ميتوصفش ده حبيبى لسه فى اللفه لو ابعد عنك دقيقه القلب بينادى اسمك بلهفه يا اغلى الحبايب نادين حبيبى لسه فى اللفه
خواطر على القلب و الخاطر
#نادين_حبى_انا

الجمعة، 23 سبتمبر 2016

صحبنا فكرها ذكاوه
و هى فى الاصل غباوه
مات فيها الضمير وعلى العين غشاوه
الطيبه تقول عليها ساذجه
و الصبر يتسمى قله حيله
و العقل يضيع الكرامه
ده سكوتى عليك شهامه
لو كان ده تفكير زمنك ملعون دى بشر فى الغابه عيشه

 والغنم ضحايه للدياب و الحق فيها غاب


الثلاثاء، 20 سبتمبر 2016

امى حبك فى دمى ضيعلى حزنى ضيعلى همى امى
مين فينا اللى مات مبقاش فضلى غير شويه ذكريات
فاكرك يا امى وقلبى ينادى ياغاليه وحشنى الكلمه تهز وجدانى
مين فينا يامى اللى مات وانا عيش بتنفس ذكريات
وحشتينى يا فرحه عمرى و احلى ايام سنينى حبيبى اصبح زكرى
يصوره فى قلبى محفوره شايل جبل احزنى
بقيت بخاف من بكره عيش و الضحكه ديما مكسوره والكلمه طلعه مخنوقه
و القلب يعزف نغمه انين يغلبنى بشوق و حنينى خلاص بقى سهل اوى الطيب فيكى يتهان مبقاش فيكى يا دنيا امان مبقاش قلبى يصدقنى وعلى جراح يفوقنى والغالى ملهوش ثمن
وشجره الحزن بالجرحى تعلى و تطرحى خلص الكلام وكفايه و تمام قفلت ستاره مسرحى عيش تضحى بالم جراحى تصحى بتقولوا الفراق بيوجع و انا قلبى بيصرخ و مين هيسمع
يا دموعى بحرك غرقنى وصورتك يامى بتحضن عيونى يصرخ قلبى و يزيد جنونى
بعدك ظهرى انحنى بمشى خطوتى فى سنه عيش والقلب مدبوح من كتر الالم و الجروح
من فينا يا امى اللى مات و انا عيش بتنفس زكريات
فى كل لحظه بموت. انا اليتيم فى زمن لئيم. عملت ايه يادنيتى بتحرمينى من فرحتى
يقسى الزمان ما يرحم بعدك بدوق القسى من الناس كتير بعونى كنتى للقلب حارس.
ليه يا دنيا عليكى هنت ويصرخ قلبى فى صمت فتحوا الابواب خلاص
و الكل يدوس على قلبى و يهرس مات جوايه الاحساس خلاص
واصرخ على الحراس ارحمنى من العذب بقيت ميت خلاص
وبقيت عليهم بهون و اول من لمونى احبابى اللى نسونى والاه من نار قلبى بتزيد عذبى وغلبى كده الزمان غلبنى مبقاش ينفع تعيش بضمير. بنهار بنهار اللى بشوفه مرار
بجراحى يتكتب موالى ومين غيرك دارى بحالى بقيت عاشق سكوتى راح صوتى
مبقتش قادر اتكلم من الكلام انا بتالم و ايه بقى بعدك يتقال
و اسال نفس السؤال مين فينا يامى اللى مات وانا عيش بتنفس ذكريات
خواطر على القلب و الخاطر
#افلاطون_فى_زمن_مجنون

مرت سنه و كل يوم يعدى تكبر فى قلبى الفرحه ده حلمى اشوفك بالفستان الابيض والطرحه عيدك ميلاد للكون عيدك غرام وجنون والق...