الأحد، 28 أغسطس 2016

أنا مؤمن أنا مش كافر، بتشعبط في حلمي و اعافر، أنا قاعد هنا ولا يمكن، أقدر أبعد و اسافر، بلاش اليأس من بكرة، احلم، دي أحلامك بداية الفكرة ، و بكرة أحلامك تتفسر، مهما يقولوا عليكي يا مصر او اشوف منك، هفضل أحبك، ومش هلومك ولا اعاتبك، مش بايدي، أنا العاشق عايش بتنفس هوا عشقك، بآئيت فى حبك متأصل، و اسأل عني الجدود، كتب التاريخ عني العزة والكرامة وكمان شهامة، وخفة دم، بيقولولي كفاية بقى كلام يا واد اتلم، ازاي أسكت، ده اسمك يهز كياني، أفديكي بروحي واروي ترابك بدمي يا أمي و لو سكت لساني، ينطق قلبي تعيشي يا مصر، و تحيا مصر بشبابك، يبني ويعمر ، يزرع ترابك ويخضر ، إيدي في إيدك، بكرة لينا، هنتغير وتتباهي بأولادك، نعيش و نموت فدا ترابك خواطر على القلب و الخاطر #افلاطون_فى_زمن_مجنون

الثلاثاء، 23 أغسطس 2016

اه يا بلد فيكى الناس عرايس خشب مربوطه بخيط بكر
عرايس و الاحساس فى قلوبها اتكسر
ولكل واحد دور و طابور الغلابه كبير وفيكى كتير
حياتهم كده يستنى الدور
يعيش حياته واقف ما ينتهى الطابور
ماتعرف مين الست و مين الدكر
مولد وكتر فيه الغجر
وكتر فى ناسك الغرور
هتلف فى الدنيا و تدور
النهايه اخرتها القبور
خواطر على القلب و الخاطر
#افلاطون_فى_زمن_مجنون

عيش فى خوف و حيره ولا الزمن خلاك قليل الحيله  يا نهر عالى بيغرق فيك العزيز والغالى  والاسم دنيا يتغير حالك فى ثانيه خواطر على القل...