قالوا فى الامثال امشى سنه ولا تخطى انا لو كان طريقك طويل مليان ضباب تقول وصلت تتفاجأ انه سراب ماشى فى ليل كاحل مع كل خطوه بيزيد خوفك و يتملا مرار جوفك تعمل ايه يابن ادم و طريقك انكتب فيه ممنوع الرجوع دى بدايه طريقك هتكمل و تتحمل لنهايه الطريق دنيا واللى فيه زى الجبال مكتوب عليه تشيل احمال و لو فى يوم اهتز راح تنزل تحت الارض

قالوا فى الامثال العبد فى التفكير و الرب فى التدبير الوم عليكى يا نفسى تعبانى من التفكير العقل منك احتار و ليالى بعيشه فى نار ده ليالى مهما طال مسير يطلع له نهار ويفيد بايه يا بن ادام تفكر و ربك هو اللى بيقرار و يكتر معاكى يا نفسى كلامى و ملامى ده مين فى الدنيا مرتاح و كل اللى فيها عيش 

سواح!؟

قالوا فى الامثال اللى يشوف بلاوى الناس تهون عليه بلوته و يابن ادم ارضى بنصيبك ترتاح دى دنيا و محدش فيها مرتاح وشوش بتضحك و قلوب مليان مرار لو عرفت اللى فيها تحتار ادى الحكاية وادى القدر وادى نصيب مكتوب تشوف و تسمع و تتعلم حتى لو كان الثمن انت و بجرح قلبك تتعذب و تتالم ووشوش تحبك ووشوش تخون و فى على قلبك ناس بتصون و فى ناس من بعدهم ينجرح قلبك وتعيش تفتكرهم ولبعدهم مش مصدق و تمر الايام بتقول هتنسى لكن مع الايام من الفرحه بقيت منسى

قالوا زمان فى الامثال

اللي جاي احلى من اللي راح حتى لو كان كله جراح مش هيكون اصعب من اللى راح وعمر اللي راح ما بيرجع بس الفراق ده بيوجع و ساعه ما قلبك 

يتكسر ايه

تانى هتخسر !! و تمر عليك احلمك ما تتفسر تفرح لغيرك و تنسى نفسك و يمتلك 

منك ياسك تعيش ايامك على ذكرى الماضى وياخدك الحنين تفكر فيها السنين تتجدد جواك 

جروح وتسمع صوت الانين ....